有自己政府方可抗炎

作者:takki ma
瘋狂掃貨其實係市民對未來幾個月無信心嘅表現。正常政府點都會試派定心丸,因為恐慌係會延展開去,先係口罩、米、杯麵,然後就會變成滴露去到今日掃廁紙,condom都掃晒就好笑左少少,不過如果真係正確地使用都可以側面反映香港人仲有心有力,唔會咁易滅到族😅

利申廁紙我都買左兩三條,本身係排緊清潔劑,未知道有人搶廁紙,只係估計有可能會出現搶購潮順手買,預一個月供貨會不正常。一條自己,其餘係for撲唔到嘅親戚,結果夜晚就見到d痴撚線嘅畫面,事後孔明笑鳩人容易,如果你真係掌握物流情報還好,否則大家都係潮漲時笑緊其他人無著底褲,其實自己都無著

白米原本都預新年後翻貨,結果今日一米難求。好多平日狗也不屌的乾貨,如包裝日式咖哩或意粉醬,HKTV mall、759同百佳都掃晒(結論真正狗也不屌嘅冠軍係壽桃牌,其次係韓國辣麵)

今次有太多野係2003年未出現的,包括中国人同你搶貨,政府扣關(都係搶),以及全球某些物資出現短缺等等,有咁多不確定因素,搶甚麼都未必太過匪夷所思。

理智地計算,今日基本盤要預大約20日物資,14日係一旦你棟大廈有個案,要自我隔離嘅最低日數,6日係預你解封時未必咁快買到野嘅buffer。

呢一兩個月只係頭盤,專家們估四月先係高峰,如果根據氣溫去推斷病毒活躍時間,可以多留意泰國及新加坡仲有幾多新case,因為當地氣溫呢排都二十幾三十度,如果泰國仲不斷爆新case,咁香港隨時玩到八九月不是夢

我非常同意容樂其嘅講法:考試就算點唔識都好,亂撞總會答中三兩題,每一題都錯,必然係知道正確答案後刻意答錯的。林鄭殖民政府抗疫上每步皆錯,不應視為「無能」或「無恥」,實屬刻意為之,到底係林鄭一人喪心病狂,還是中共要將香港人滅族,又抑或是中共要「懲罰香港不聽話」,大家都係估,可知嘅係香港人不獨立,沒有自己政府,有幾無助今日人人都感受到,你連一艘疫船泊岸都阻止唔到,開大有無廁紙又唔知道

獨立係「無可能」,因為無槍無炮無解放軍丫嘛?好簡單,民間已經開始有物資互助組織,槍炮你搞唔掂,幫手搵物資互助應該做到吧?好多野都係由細慢慢進化出來。

勿忘初心,初心係求活求存。人終需一死,梗係你死好過我死。民主、自決、本土派、獨立…去到底都係保障返香港人先,唔係咁難明嘅。