論捉鬼

作者：網友V

不割蓆，係因為當年雨傘和理非割左勇武蓆。
不篤灰，係因為當年雨傘泛民搞糾察篤勇武灰。
不分化，係因為當年雨傘帶頭盔都比人話係鬼。

過左5年，有人終於識講 不分化 不割蓆 不篤灰。
結果係和理非會用依三句黎保護議員，
但係甚少用黎保護勇武。

香港人最後之戰啦，可以花啲精神去諗清楚未？
「做好事」同「做好件事」係唔同架，
現實冇咁簡單，醒未？

捉鬼本身係一件「好事」，但前題係100%唔捉錯。
由現實講，捉鬼一定唔係「做好件事」，
因為你地做唔到嗰100%。

你地仲記得嗎？
齊上齊落 一個不能少 KISSKL 煲底見

但係竟然有人講得出「捉錯鬼先會有經驗」依種說話。
捉鬼一定會吸引到人群，
如果捉錯鬼，個手足一定比狗咬，
結果可能係10年，可能係浮屍。
咁我想問，咁算咩齊上齊落？
希望嗰位手足只係未諗清楚會有咩後果，
先會講啲咁既說話。

先唔講勇武成日係現場，正面對住班狗，
和理非間中先出去行，隔住幾條街對住班狗。
一邊專業，一邊業餘，要練習經驗都應該勇武拎先啦。
但係，如果要用手足既未來換番黎既經驗，
Sorry，咁既經驗唔要都罷呀！

再者，捉鬼本身就係「民眾鬥民眾」既一環。
各位有冇諗過，其實黑警扮勇武，
只係有藍絲信，其實對和理非無大影響。
（濫捕就佢扮唔扮都捉到架啦。）
但係，假冒引起既不安，就會影響到和理非同勇武。
星期三晚既捉鬼事件就係最好既例子。
黑警扮勇武唔會影響外界對我地既觀感，
唔好當外國傳媒係傻，都唔好當外國戰線手足冇做野。
但係和理非捉鬼引起既「唔團結」同「猜疑」既形象，
就會影響到外界對我地既觀感。

依家明明講要強身健體，
明明講要香港人報仇。
但係見到手足大隻少少，裝備高級少少，
就嘈係鬼，唔矛盾咩？

香港人記住：
我地唔係求勇武企係我地果邊，
而係我地要主動走到勇武既身邊。

義士唔係condom ，人地幫我地捱子彈，
手腳都爛晒，月經都係黑既，
人地唔割我地蓆，我地執到啦。

半年來，幾多個手足犧牲左？
請問我地有資格比自尊同情緒主導我哋既思想嗎？
進化啦，香港人。
放低自尊，諗清楚自己既論點係為左件事，定為左自尊。
控制情緒，唔好放棄任何一個手足，包括自己。唔同觀點好閒，但唔好濫用情緒化字眼，要冷靜理性收起情緒做討論。
持續思考，每時每刻都要分析，唔好比中共有機可乘。
放膽去試，無人知道咩方法救到香港，所以要試，但錯左既話，比手足插既時候，虛心反省，唔好死娥撐飯蓋。

有勇武手足講過：
將自己睇得細啲，將香港睇得大啲，就唔會驚。

我想對和理非講：
將自己睇得細啲，將手足睇得大啲，就會識唔割蓆。

我地就算冇勇武既勇氣，
但係都千萬唔好踐踏佢地既付出。

-------------------------------------------------
支持《多聞》眾籌計劃，我們目標是集資12萬加元，這筆錢遠不夠在報紙買頭版，但可支持《多聞》抗共2年！
Bank interact 課金給《多聞》：tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews

Share this article to: