護士：港府當我地死士

武漢爆發肺炎，德國專家研究指出此病毒與沙士同種。本報找到一位經歷零三沙士的資深護士現身說法，講一講當時及現在的經歷。由於其不願透露姓名，故化名護士甲以茲識別。

記：呢排辛唔辛苦？定係因為少咗大陸人，所以鬆動咗？聽講急症室無以前咁爆，而家醫院其他地方咩境？

護士甲： 我唔係做急症，唔太清楚，不過病房依然爆滿，要加在走㾿。

記：請講一下沙士時期的事跡？

護士甲： 沙士時期，全院皆兵！所有門診服務、scheduled 手術暫停，平日人來人往嘅醫院，突然變成死城，只有工作人員出入，全部唔可以探病。當時冇negative pressure嘅病房，所以只可以將疑似病例嘅病人cohort在同一病房，我有同事感染了SARS，當時只可在病房門口，隔住病房大門，遠遠為他們打氣！

記：咁果時各位醫護心情點樣？係咪驚住又要戰戰兢兢咁去救人？記得當時越後生越易中招，果時你心情如何？

護士甲：當時大家都驚會中招，但係大家都緊守崗位。我認識嘅一些在內科隔離病房工作的同事，為免傳染給家人，佢哋夾份租房暫時遷出屋企。越後生越健康嘅人，好似對病毒嘅反應越大我曾經試過發燒，有流感症狀，我都擔心自己中招，當時同家人同住，唯有自我隔離，在家也帶口罩，生怕傳染給家人，最後沒有受感染，虛驚一場其實當時返工又唔係驚得太緊要，返工預左有機會中，自己做好防禦措施就好了。

記： 醫護博晒老命，但果時政府好似講句多謝就算，會否覺被當condom？

護士甲：我記得李嘉誠好似有派橙比醫院員工。醫管局好似冇做啲咩多謝員工。謝婉雯醫生迅即殉職，都要幾番爭取，先可冚區旗，葬浩園。
醫護人員在政府眼中只係一批推出去抗戰嘅死士。

記：覺得政府對醫護支援是否足夠？

護士甲：一開始裝備係唔夠，唔知幾時先突然有大量PPE、N95、手套。我都唔記得點解突然多咗裝備。

記： 當時主要用N95，而家啲人用多咗好多唔同款嘅罩。你覺得TG比起當年沙士點？

護士甲： 沙士係病毒，做足防禦措施，可以預防感染。TG喺不明嘅氣體，我哋唔知佢嘅主要成份，而且影響未必即時見到，所以用口罩/N95係冇用。

警權過大　誓追究到底
記：會唔會有啲當時沙士奮戰到底嘅醫護，到頭來今年發現佢係藍，覺得失望？ 不少抗爭者不敢入院因為拍撞到藍醫護，請問你點睇？

護士甲： 黃藍係政見，政見不同，上班時盡量只講工事 。 我相信大家係專業嘅，唔會影響治療，不過我唔排除有藍屍會對受害人懷有歧視成分！但係急症室有警岡，而且現在是敏感時期，所以抗爭者未必會去醫院，因為HA內部會有通報。

記： 除了內部通報外，還傳出了popo在醫院內折磨病人的影片，請問你點睇？

護士甲： 佢哋可以喺醫院打人，証明警權何其大，所以警暴一定要追究到底！但係政府幫手隱暪警方嘅惡行，還高度表揚，令大部份嘅香港人反抗。

應變武漢肺炎靠睇新聞
記： 請問您覺得現今服務嘅醫院對今次武漢不明肺炎嘅防犯措施夠唔夠？有無特別通告畀同事去自保或處理入院個案？

護士甲： 當電視報導武漢肺炎時，醫院沒有即時對員工有任何指引，直到1月4日才將應變級別，改為嚴重！其實員工沒有內部消息，都只靠新聞update。

記：突然間殺到又無通知，會否引致恐慌？會不會每人自己戴定晒防護，不敢信醫院消息？

護士甲：其實不嬲都有帶口罩，洗手，所以唔太擔心。不過我哋對新型病毒嘅資料，多數從新聞得知，做防護方面，又唔會著哂PPE返工嘅。

-------------------------------------------------
支持《多聞》眾籌計劃，我們目標是集資12萬加元，這筆錢遠不夠在報紙買頭版，但可支持《多聞》抗共2年！
Bank interact 課金給《多聞》：tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews

Share this article to: