陳家駒:為自殺故友搞港獨

我係因為一個自殺死去嘅朋友先決定搞港獨

五年前,一個細過我十年,唔多出聲嘅少女,係我搞嘅朋友圈入面出現。當我哋第一次見面嘅時候,佢就同我講 「你一定要選到區議員,打倒689就靠你」,我當時只係好自然咁回答「打倒689靠我哋大家架嘛」,但佢嘅回答係 「我就嚟死架喇,呢啲交俾你」,當時我笑咗一笑無擺係心。

我成日以為自己係團隊領袖,每一個圈入面嘅朋友我都可以照顧到,但我竟然大意到連佢成日無錢係身,日日食公仔麵都唔知,讀心理學嘅我竟然唔知佢有抑鬱。我選舉輸無耐,佢就自殺過身。到嗰陣我先發覺我唔適合做一個領袖,更加無資格同人講我中意用心理學幫人。係早期我串連晒所有認識佢嘅朋友,希望搞一場喪禮又好,紀念展又好,但最後我壓力大到乜都做唔到。當時我放棄晒所有有關嘅朋友,放棄晒有關連嘅嗜好,我唔識得點處理,只係想忘記我過去嘅人生。

由嗰時開始,香港年青人自殺潮開始發生,當每一次見到自殺新聞都會莫名其妙咁內疚。我好痛恨呢個政府,但我更加痛恨我自己,甚至以後嘅組織口號都以 「以死相搏」希望我可以用自己生命做一點救贖。

五年過去,689未死,政權未倒,港獨未到,香港變差,我仍然健全。當我重拾心態希望改變社會時,我不斷希望拯救身邊嘅人,尤其比我細嘅年青人,每一個我見到有情緒問題嘅人我都會無條件盡力去幫,因為我真係好怕因為我自己再一時疏忽,見到身邊嘅人犧牲。

最近,我以為我拯救到一個準備自殺嘅兄弟,我以為我可以為我生命救贖,但原來唔得,換嚟嘅係我不斷無止境去搵身邊嘅人救。呢種救贖甚至令我覺得社運救贖更可以麻醉我靈魂,每一次幫人,我都唔知我自身價值係邊,到最後變得越嚟越唔識愛自己。

如果而家嘅我去返當時,我一定會做得更好,你而家會同我哋一齊做 Homie ,我可能會介紹到好多好聽嘅意樂你聽,可能介紹到最新嘅相機俾你去學影星空,我可能會教到你點樣揀一個好男朋友。但而家嘅我根本講咩都無用。

今日我終於鼓起勇氣去探呢一位我從來唔敢面對嘅朋友,估唔到呢種記憶係會令我咁悲傷。但以死相搏唔係一個口號,終會有一日,我會拎起你影嘅星空,係煲底同全世界人相遇,我應承你,小雲

-------------------------------------------------
支持《多聞》眾籌計劃,我們目標是集資12萬加元,這筆錢遠不夠在報紙買頭版,但可支持《多聞》抗共2年!
paypal課金給《多聞》:paypal.me/tohknews
Bank interact 課金給《多聞》:tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews

Share this article to: