Author: tohknews

作者：網友V 不割蓆，係因為當年雨傘和理非割左勇武蓆。不篤灰，係因為當年雨傘泛民搞糾察篤勇武灰。不分化，係因為當年雨傘帶頭盔都比人話係鬼。 過左5年，有人終於識講 不分化 不割蓆 不篤灰。結果係和理非會用依三句黎保護議員，但係甚少用黎保護勇武。 香港人最後之戰啦，可以花啲精神去諗清楚未？「做好事」同「做好件事」係唔同架，現實冇咁簡單，醒未？ 捉鬼本身係一件「好事」，但前題係100%唔捉錯。由現實講，捉鬼一定唔係「做好件事」，因為你地做唔到嗰100%。 你地仲記得嗎？齊上齊落 一個不能少 KISSKL 煲底見 但係竟然有人講得出「捉錯鬼先會有經驗」依種說話。捉鬼一定會吸引到人群，如果捉錯鬼，個手足一定比狗咬，結果可能係10年，可能係浮屍。咁我想問，咁算咩齊上齊落？希望嗰位手足只係未諗清楚會有咩後果，先會講啲咁既說話。 先唔講勇武成日係現場，正面對住班狗，和理非間中先出去行，隔住幾條街對住班狗。一邊專業，一邊業餘，要練習經驗都應該勇武拎先啦。但係，如果要用手足既未來換番黎既經驗，Sorry，咁既經驗唔要都罷呀！ 再者，捉鬼本身就係「民眾鬥民眾」既一環。各位有冇諗過，其實黑警扮勇武，只係有藍絲信，其實對和理非無大影響。（濫捕就佢扮唔扮都捉到架啦。）但係，假冒引起既不安，就會影響到和理非同勇武。星期三晚既捉鬼事件就係最好既例子。黑警扮勇武唔會影響外界對我地既觀感，唔好當外國傳媒係傻，都唔好當外國戰線手足冇做野。但係和理非捉鬼引起既「唔團結」同「猜疑」既形象，就會影響到外界對我地既觀感。 依家明明講要強身健體，明明講要香港人報仇。但係見到手足大隻少少，裝備高級少少，就嘈係鬼，唔矛盾咩？ 香港人記住：我地唔係求勇武企係我地果邊，而係我地要主動走到勇武既身邊。 義士唔係condom ，人地幫我地捱子彈，手腳都爛晒，月經都係黑既，人地唔割我地蓆，我地執到啦。 半年來，幾多個手足犧牲左？請問我地有資格比自尊同情緒主導我哋既思想嗎？進化啦，香港人。放低自尊，諗清楚自己既論點係為左件事，定為左自尊。控制情緒，唔好放棄任何一個手足，包括自己。唔同觀點好閒，但唔好濫用情緒化字眼，要冷靜理性收起情緒做討論。持續思考，每時每刻都要分析，唔好比中共有機可乘。放膽去試，無人知道咩方法救到香港，所以要試，但錯左既話，比手足插既時候，虛心反省，唔好死娥撐飯蓋。

作者：網友V 泛民支持者應該向泛民施壓，要佢地就美國香港人權與民主法案的條文，向各方要求香港實行普選。 否則，到立法會選舉，大家咁辛苦又搞工會，又四出為泛民拉票（包括走來罵我這些塘邊鶴），最後又是輸了給種票、掌心雷、票站停電兼有防暴進駐，又或者是被仼意DQ，到時因絕望而造成的心靈創傷，將不能估計。 那倒不如一開始便一心一意爭取普選，不是公平合法的選舉，絕不接受！這樣就立於不敗之地了。而且美國連法都立了，大家還不去爭取落實，在等什麼？ 那麼，為什麼泛民對爭取普選，如此懶懶閒？因為沒有普選，他們穩坐反對黨的位置，一路有人投票捐款做義工，幾撚爽。一旦有普選，萬一唔覺意贏左，要執政架大佬！由反對黨變成建制。喂，管治香港你估易呀？你睇下由老董到柒婆就知啦有辦你睇。到時一個搞唔好，泛民會名聲議席和利益都輸掉！ About game providers and entertainment. Determine which machine is right for you. And not to