舐共巨企言論審查 加拿大工程師劈炮

我老公係土生土長嘅加拿大人,我哋結婚之後長居加拿大多倫多。今年一路陪我睇香港直播,陪我喊,陪我唱《願榮光歸香港》。雖然實際上好遠好遠,但感覺上香港好近好近。畢竟香港仲有好多屋企人同朋友。我一路喺呢邊上街,代喺香港覺得太驚出唔到嚟嘅家人發聲,完全無擔心過中共嘅魔爪會伸展到呢邊。直到8月17日,多倫多、溫哥華以及全球嘅撐港集氣會同一日被幾百個揸中國旗嘅人圍鬧,我都仲覺得無事,唔可以少少嘢就縮。

然後有一日我老公突然被經理叫入房無端端鬧咗20分鐘,最後拋一句「唔好再講香港」。

呢日前一個月先啱啱review,好理想,經理十分鼓勵,無任何負面評語。一向同同事關係都好好。

我老公係工程師,公司係國際性企業,廠房遍世界十幾個國家,有二十萬之上員工,有一半生意喺大陸市場。而其中一個分部門,裡面講普通話嘅人多到review有人投訴唔識普通話根本好難做嘢。但呢份工應該係好穩陣,裁員唔會裁工程師呢啲位置。就算唔想做呢個部門都可以轉部門打一世工都得。呢邊好多人讀書畢業出嚟就係諗住喺大公司做到退休。

一向無嘢嘅上司,關係唔錯,突然求其搵嘢冇理取鬧咗20分鐘,之後講,唔可以再提香港,中國嘅嘢。只係話有人聽到覺得唔舒服,但無講係邊個、邊度、有幾多人,講咗乜嘢唔啱聽,無。奇在做咗4年,公司canteen一路全日播新聞,乜政治都有,同事平時都會講Trump,講加拿大政治,講時事,講世界災難,全部人無事就得我老公被警告唔講得香港?仲有佢公司嘅policy係「凡有同事嘅地方就係公司」,包括商場,公共地方,甚至住家:即係我老公同我去市中心撐港集會,咁啱如果撞到同事就會變成公司範圍,佢係咪要停唉口號,要掉頭走?公司覺得佢「再犯」會點?

中間同HR,同上司見咗幾次,淨係得『小心啲』(be mindful, be careful)。問自己食飯時間講得唔得,又係「be careful」。深感往後工作評估唔會公正,亦唔可以扮無事收聲返工,問心做唔到。今日辭職。香港人而家緊急法下出聲有會危險。我哋呢邊雖然唔係人生安全,係份工啫,但一年前估唔到中共嘅勢力嚟到加拿大咁遠。

一年前估唔到中共嘅勢力嚟到加拿大咁遠。
-------------------------------------------------
支持《多聞》眾籌計劃,我們目標是集資12萬加元,這筆錢遠不夠在報紙買頭版,但可支持《多聞》抗共2年!
paypal課金給《多聞》:paypal.me/tohknews
Bank interact 課金給《多聞》:tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews

Share this article to: