黑警四招捉核心勇武

作者：手足投稿

Popo捉到核心勇武，基本上係四招。

第一招，現場跟到返屋企，再鎖定目標，然後通過長期監視其活動，去逐漸起晒成個組織成員網絡。

第二招，接頭人係鬼，慢慢逐個跟蹤同起晒成個組織。接頭人可以係賣家、買家、聯絡人、中介人；佢地可以本身就係popo，或會報料比popo。譬如勇武要買啲「特殊高級文具」，可能就係賣家收兩邊水，賣完貨收左錢就篤灰。

第三招，睇現場cctv逐個追蹤返。依個原則上係大工程黎，正常唔會耗費咁大人力去做；但如果popo收到情報，知某啲核心勇武係邊度做過啲咩，就容易鎖定人物好多（popo既策略主要仲係捉晒核心勇武，認為咁就可以瓦解運動，或至少降低抗爭，所以佢地只會放咁既心力去捉依堆勇武）。某個知名勇武組織成員奶野好大機會就係咁樣揚左；仲有poly走得甩但又比追縱返既手足都有機會係咁被發現。

咁popo個情報邊度黎？可以係線人、可以係鬼，亦可以係勇武自己接收傳媒訪問時，講左自己係邊度幾時做過啲咩而揚左的。所以，講左好多次，真勇武或魔法師唔好接受傳媒訪問，唔好講自己係邊度做過啲咩，無人想知；傳媒亦唔係朋友，難聽啲講，佢地都係打份工想做報道，即使有心「幫」勇武隱藏重要信息，都會想報到幾多出黎就報到幾多出黎。愈多資訊公開出去，就愈容易比popo鎖定目標。

第四，最簡單直接的卧底滲透，派人員深入其中。依招係最有效，但原則上應該四招中最難最麻煩。當然，依個難度係隨著勇武組織自身既篩選同防滲透措施而決定。其實除左「知名」勇武組織外，好多勇武其實都只係零散、自己友組成既團隊，咁可以減低被滲透機會，但都要小心有「針」（線人）。

原則上，勇武愈地下化，就愈需要更多規模化同組織化，最好係搵個信賴且願意承擔既成員負責做接頭人或中介人，其餘成員都係對其（及對外）隱藏，即係中介人基本上唔知其他成員身份，咁就算有咩事都唔會變攬炒。 好似噚日咁。

-------------------------------------------------
支持《多聞》眾籌計劃，我們目標是集資12萬加元，這筆錢遠不夠在報紙買頭版，但可支持《多聞》抗共2年！
Bank interact 課金給《多聞》：tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews

Share this article to: