邊個先係傻仔?

流亡手足投稿

有一班人,當佢地係傻仔咁笑唔六年有多,再笑落去嘅話,其實傻仔就係自己。
佢地可笑嘅地方,係新一代嘅做嘅野永遠慢我地三年,老一代嘅又比新一代慢三十年以上。2014年我地本土派突襲金紫荊升旗,泛民黃之鋒阻止;結果2017黃之鋒都係要阻金紫荊升旗。2014年勇武派爆入立法會,被泛民張超雄篤灰,2019年勇武派防止咗梁耀忠阻大家爆入去,成功在立法會宣告五大訴求。

搶功者名利雙收

我地笑咗佢地好耐,覺得佢地蠢。但現實係,我地一旦成功,得益嘅係大家,功勞都歸佢地。多年來佢地有議席、有媒體,有財有勢,點抗爭、贏輸都係佢地得益。
如果喺自利嘅角度嚟睇,佢地一啲都唔蠢,仲好成功,名利雙收。
只不過我地要嘅並唔係名利雙收,唔係要好威,而係香港人唔見咗嘅野,我地要親手拿返返嚟。

佢地係既得利益者

其實唔難發現,我地同佢地根本係兩個世界嘅人。我地一直想香港洗牌,佢地則一直阻止香港洗牌。因此我地永遠覺得佢地阻住我地抗爭,佢地永遠覺得我地搞亂香港,唔可以容忍我地勇武抗爭。

我地要洗牌,因為香港邪惡嘅制度造成貧富懸殊,我地呢啲後生仔個個身受其害。佢地阻止洗牌,因為佢地係呢個邪惡制度嘅既得利益者。雖然係咁,佢地仍會反對中共,反對政府,足證佢地有良知。
問題係,香港係有錢人天堂,窮人嘅地獄。既得利益者長期身處天堂,佢地反共,只係反對天堂被破壞。長期養尊處優嘅人,會有幾大覺悟去抗爭?

佢地嘅抗爭係風高亮節嘅體現,但人性總是軟弱的,有太多野要擔憂。講到底佢地根本係佢地偶像明哥首十個救火的少年入面嘅人物。與其試新方法,不如盡量維持舊方法、一切照舊,然後生活繼續無憂。

憲兵團vs調查兵團

我地就唔同,無野可以輸、退無死所,要不斷試新方法,直至成功為止。羅塞之牆、玫瑰之牆已被巨人攻破,如不拼死反攻,只會迎來末日。於是兄弟死完一批又一批,然後又再勇往直前。
在首都裡安逸慣的憲兵團只會覺得我們這些在危險區與巨人作戰的調查兵團係痴線、無腦、傻仔。
事實上,為人類作戰的是調查兵團,享福的是憲兵團,戰死被巨人吃掉的是調查兵團,掌握權力的是憲兵團。
調查兵團和憲兵團都是同路人,守護人類,不是嗎?

-------------------------------------------------
支持《多聞》眾籌計劃,我們目標是集資12萬加元,這筆錢遠不夠在報紙買頭版,但可支持《多聞》抗共2年!
paypal課金給《多聞》:paypal.me/tohknews
Bank interact 課金給《多聞》:tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews

Share this article to: