加國戰友現身港集會
於 1月12日星期日下午，民間集會團隊於香港愛丁堡廣場舉辦《2020 港共受刑 天下制裁》集氣大會。該集會分為北美、歐洲、亞太、香港四條戰線，由各區手足報告各國抗爭情況。當中北美戰線有多倫多人撐香港Torontonians Stand with Hong Kong及渥太華人撐香港Ottawans Stand With HK的兩位搞手發言，他們並宣布與多個城市的手足組成Alliance Canada Hong Kong。
以下是多倫多人撐香港搞手之發言全文：
大家好，我是來自多倫多 Torontonians Stand with Hong Kong 其中一位搞手。
呢半年來，有好多住係加拿大嘅香港人都非常憤慨。每一晚都瞓得唔好，因為第二日起身唔知會發生乜嘢事。同時，亦要面對大量藍屍，港豬，離地中產同埋小粉紅。無力感真係非常沉重。佢哋大部份追求嘅係穩定嘅生活，最好唔好講政治，而有部份係非常之愛国，不過係中国。呢十幾年來，共產黨對老華僑，香港移民嘅統戰亦非常成功。佢哋對共產黨高度評價推崇，認為共產黨復興中華文化，幫中國脫貧， 高速發展經濟，成功提升中國人地位…甚至覺得多倫多嘅萬錦市被稱為Chinese Capital of Canada 而引以自豪。
佢哋揀得啱，加拿大嘅環境實在係非常符合佢哋嘅追求。佢哋享有嘅民主自由權利已有前人為佢哋爭取，又有其他加拿大人為佢哋繼續保護， 佢哋非常樂意做free rider。但係佢哋唔知道，唔理解，老華僑同香港移民多年建立嘅基業其實已經拱手相讓比咗共產黨。
本來我哋都可以選擇做港豬，不問世事。但係真係做唔到，由其係曾經落場參與過嘅。有好多非常之執著嘅香港移民雖然選擇做真加拿大人，同時亦心繫香港。
有人飛返香港直接參與示威行動。有人飛返香港去投票。
有人私下眾籌買物資，帶上前線。捐錢比民間支援組織。
亦有參與救援行動。
有人係唔同嘅城市成立組織，發動集會遊行聲援香港。
比小粉紅襲擊完都再出。
係加拿大中部省份嘅手足，就算係零下大風雪都照出。
係九月初，係多倫多，有幾位有心人係美國領事館出面企足大半日等人出嚟收請願信。
有一位媽媽，因為要照顧兒子，唔能夠參與集會遊行。係一個好大風同寒冷嘅早上，係佢有限既空閒時間，自己一個企喺屋企附近嘅街頭，拿住個牌去聲援香港。
十一月中大理大比圍堵時，有中大交換生同一班多大學生發起室外絕食行動。
由六月至今，加拿大戰線不停壯大。六月時， 溫哥華及多倫多已各有幾次大型集會遊行。去到七月時， 響應無大台行動發展至「五城同行」，去到十月大選時已擴大至十多個城市 – (溫哥華，多倫多， 渥太華 ，卡加利 ，溫尼伯， 滿地可， 維多利亞， 哈利法斯， 利載拿， 滑鐵盧， 及咸美頓)。 在十月大選時，各方同道手足盡最大努力， 希望將「中國政策」及「香港危機」 推進成為大選議題。
加拿大公共政策智庫MacDonald Laurier Institute 一直都非常關注中國同香港議題。
英國嘅人權監察組織 Hong Kong Watch 十二月時去咗渥太華約見跨黨派嘅國會議員同參議員去關注香港人權問題，倡議用加拿大已通過嘅法案 Justice for the Victims of Corrupt Foreign Officials Act 去制裁侵犯香港人權嘅香港警察同香港官員。
係12月中， 加拿大國會係反對黨保守黨倡議下聯合新民主黨，魁人政團及綠黨通過成立特別委員會重新審視加中關係。加拿大戰線終於出現轉機。
同一時間，本人聯同多位住係唔同城市嘅同道成立Alliance Canada Hong Kong ，聯合全國其他城市嘅組織發動全國 campaign 進行遊說工作去保護香港自治及制裁侵犯香港人權嘅香港警察同香港官員。
生於斯長於斯，香港係我哋嘅故鄉，仍然有好多親朋戚友住係香港，對香港仍然有深厚嘅感情。希望香港可以變好，希望香港人可以做香港真正嘅主人。同時我哋亦希望可以身教比下一代，我哋希望我哋嘅移民二代唔好做離地中產，停留喺移民身份嘅狀態。更重要嘅係中共嘅滲透同統戰已經危害到加拿大嘅自由民主，我哋都要保家衛國。
要明白今日嘅幸福唔係必然，今日享有嘅民主自由並唔係必然 。We should never take it for granted。
香港人，不要放棄。為香港犧牲嘅義士，不要放棄。
加拿大嘅同道手足係唔會放棄你哋， 堅決會同香港同行！
Fight for freedom! Stand with Hong Kong!
驅逐共黨，光復香港！
渥太華人撐香港的戰友不便到港發言，但有製作片段，將加國抗爭報告給香港同鄉。
ACHK聯絡資料：
alliancecanadahk.com
facebook.com/alliancecanhk
instagram.com/alliancecanhk
twitter.com/alliancecanhk
支持《多聞》眾籌計劃，我們目標是集資12萬加元，這筆錢遠不夠在報紙買頭版，但可支持《多聞》抗共2年！
Bank interact 課金給《多聞》：tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews
Share this article to:
