又一城爆玻璃手法專業

讀者投稿
作者：Charles
打埋算盤都算半個地盤佬，尋晚睇CCTVB新聞 (係，我當係睇貼堂咁睇嘅)，你地話扑又一城，無人干預咁扑左幾個鐘好鬼，我同意嘅，但我覺得最inspiring嘅，係片中果位師傅，真係要叫師傅，扑一下裂一件的果種功架，真係要寫個服字。我都試過因為屏風要換玻璃而扑過，真心唔係咁容易，莫講話我，連我公司做左十幾年的師傅，都做唔到呢個效率，黑警做？我話唔係，睇埋落去。

頭先再睇到旺角站月台全爆果張相，各位柯南當然睇到碎片的方向啦，但我又有另一樣野覺得更鬼嘅，就係個門框的「被清理」程度。如果有塊玻璃爛左，要換，清玻璃一般都係扑爆玻璃，然後先剷走邊上的玻璃膠換新嘅，咁件玻璃被扑甩的程度，就好影響剷玻璃膠的工作效率。而旺角啲玻璃，真係甩得好靚、好靚。

公用事業大工程要流程就當然嘅，不過緊急狀況例外，所以大家應該會見過，有月台爛左一塊幕門的話，封一頭半個星期，唔係奇怪 (我真係見過)。但係而家影響運作喇，就很肯定有指向性，係由上一手vendor去做，制度上一定有呢啲terms嘅。工程公司呢樣野，其實絕大部份都係將唔同工序外判，剷膠俾雜工做，黐玻璃俾返玻璃佬做，如果要玻璃佬包埋剷膠？得，人地都係搵個雜工做，出糧仲要mark up你，咁你會唔會自己搵？但剷膠呢樣野呢，有一範人係唔可以唔做嘅，果範係打拆，只要講清楚收貨程度，打拆就要做足，而想剷膠慳啲工夫，就要搵個專業的打拆佬去扑玻璃。

如果有個大型工程，一定會俾某個vendor做 (緊急野仲可能可以收得貴過平時添)，而條件就係要你包埋清拆，即係由裝玻璃變成換玻璃，如果你係間vendor，你會唔會包起黎做？咁如果呢個由頭到尾都係一個換玻璃的工程，咁拆舊玻璃就係由打拆佬分黎做。咁，你明白點解扑玻璃可以咁有效率，而且扑幕門要喺路軌扑，因為，咁樣就唔洗喺一單換玻璃的工程入面，做多一個清理路軌的不必要的工序。

所以我認為，落場的，係專業的打拆佬，而實際上，成件事根本就係黨鐵同而家個vendor一個換玻璃的工作的deal，而又一城，就只係順便的package，完左又一城個job，落地站過去旺角下一單，線都唔洗轉。

要查，就由幕門個vendor去查，完。

-------------------------------------------------
支持《多聞》眾籌計劃，我們目標是集資12萬加元，這筆錢遠不夠在報紙買頭版，但可支持《多聞》抗共2年！
Bank interact 課金給《多聞》：tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews

Share this article to: