左右分得到?
呢排想擴闊少少podcast嘅種類，是但google 2021 podcast 清單揀左幾個，果然會做呢d清單都係左媒居多，隨便揀個講文學嘅節目，第一集就訪問trans作者 Shon Faye觸及嘅論點唔算好多，但係幾有趣嘅係佢地眼中，右派牢牢掌握建制，並且將LGBTQ人士拖入旁枝末節嘅爭議當中，例如學校用甚麼pronoun(he / she / them)，或者廁所問題等等，對於真正需要幫助嘅trans傾向青少年，就禁止佢地作出性轉手術，直至成年為止，偏偏呢個階段嘅trans傾青少年係最無助至於點解右派會諸多阻攔？根據Faye嘅講法，因為佢地要維護status quo，同埋驚恐trans 或整體LGBTQ會傳染，令到未定性嘅青少年中途轉基轉性，家不成家，當中萬惡之首嘅侵侵任內曾經作出不少阻擋校園變得更進步多元嘅法案…
換返轉去保守派觀點，現在係左派掌握建制與媒體，日日引入d痴撚線嘅東西令校園變得更恐怖，例如要向彩虹旗效忠 (而不是向國旗效忠)，成立多元包容中心，但係有兩個黑人女仔走去趕走白種男，指white is not a culture, and your presence is making me feel unsafe，又或者男生著裙衝入女廁強姦，媒體護航指女生的爸爸反應過激是transphobic 等等 兩邊見到嘅野好唔同，如果你問咁被壓抑嘅trans學童應否有支援，我估左右都會答你應該嘅，想離開matrix嘅人應該有自由離開，但係你咪撚逼其他人一齊陪你走，唔走就扣帽子鬧人法西斯恐同恐酷etc左右翼其實今日好難描述到一個人嘅政治取向，充其量係用來形容「呢班人係我對家」咁解，唔記得邊個成日講「右撚健吾」，我又唔係好覺佢係右，除非你真係講佢褲入面條撚放邊一方。主要係講果個覺得自己左，健吾是佢對家咁解Tim Pool嘅訪問(未聽晒)，佢在進步左翼眼中係萬惡嘅大右膠，呢樣佢都自知，但係訪問時佢都話其實自己有唔少主張係十分左，例如佢主張打破Go Fund Me 或fb 呢類平台嘅寡頭控制，主張一旦有方法好似架構wordpress咁助人自己起壇的話，就免費公開人人可以籌旗。
但係前排17歲仔仔槍殺BLM人士案件，佢就完全係pro槍械，站在主流媒體對家嘅唔少自認左嘅人，例如成日笑本土派排外果d，當日侵侵被社交平台聯手bam嘅時候，佢地係一致讚好，並指呢個係私人企業決定，旁人不得干涉，你想打嘴炮就建立自己嘅社媒平台啦笨…呢個說法其實係十分之右派，即係小政府，放任私企不作監管，自由市場決定另外，Faye都有講過，未來爭取改善住屋政策十分重要，呢樣我係好讚成嘅，尤其香港人嘅創新力有一大半都被地主尋租，出到公海同人鬥好蝕。呢樣係相當左翼嘅主張，又，上述嘲笑本土派排外果d人，呢個位又會笑你無知，香港地產市場神聖不可侵犯而我唔認為呢個係雙重標準，主要係個標準條線一開始就反映唔到現實，所以咩人企埋去都好似雙標咁。不過是但啦，左右翼主要都係用來屌對家之嘛
-------------------------------------------------支持《多聞》眾籌計劃，我們目標是集資12萬加元，這筆錢遠不夠在報紙買頭版，但可支持《多聞》抗共2年！
Bank interact 課金給《多聞》：tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews
Share this article to:
