新舊女權
趕稿諗唔到就9吹幾句，先利申：無讀gender studies 無開patreon賣肥仔波罅留意到銀幕上可粗分傳統女權同新女權。傳統女權大約係90年代占士金馬倫、Michael Crichton 果一代嘅角色，例如異形2嘅女主角，佢強大到一個人可以做到成隊海軍陸戰隊都搞唔掂嘅事，就係單拖隊爆成個異形竇。但係由頭到尾，佢係唔需要踩低男人，甚至都無時間踩邊個，快快手解決危機返屋企算。當然電影中係有男女互串嘅場口，例如有個多嘴下士串個大隻妹操肌：have you ever been mistaken as a man? 對方答：no, have you?
Michael Crichton 嘅女角唔駛講都係獨當一面，例如電影 Congo嘅女主，又係勇闖狒狒潭開laser救老公，AirFrame 航機廠女總管單拖對抗內鬼+fake news media。呢類故事嘅強悍女角，毋須刻意營造性別敵對去突出自己，亦唔駛「去陽剛化」「去性別化」，Ripley 唔怕講太耐無扑野想搵男人，單親媽媽 Singleton 都想溝下仔，咁你問攣女點算？sorry 呢個係90年代框框所限，但係套用同一個精神，LBGTQ同直男女正常並存就得，唔駛大造文章好喇，新嘅女權電影係點呢？好以偏蓋全咁講，驚奇隊長算係比較易講嘅例子，又利申唔熟Marvel漫畫世界，純粹見電影有乜就講乜。
新式女權故事有三個元素：1. 父權受害者 2. 打倒父權 3. 建立無父權或無性別特質嘅強女性。驚奇隊長入面，主角未變身前係空軍服役，佢有一段聲音flash back係被男同袍調戲，而畫面上隊長係非常不快，亦即rape culture victim。到佢變成外星藍血人，靚佬教官Jude Law事事留難，要佢做馴服小乖乖，亦即父權加害者壓逼。電影中點樣打倒父權呢？首先冷硬狠角Nick Fury變成諧角，原本佢在Marvel其他電影上，係復仇者至高精神領袖，現在變成柒碌一名行行企企，無野可以蓋過至強女角。然後電影最大嘅魔頭…surprise就係父權紅利者Jude Law，故事自不然要打低佢好啦，唔太對號入座，隊長個龜蜜，又被刻意安排成單親媽媽，個老公完全消失，過著沒有男人嘅幸福生活，即係話，成個故事入面嘅男人，一係就壞人，一係就廢柴，再唔係就完全消失 (班外星人算唔算？前期係壞人，後期變諧角囉)正常來講，女強男弱嘅戲軌就梗係咁啦？錯，異形2 入面係有好強嘅老兵 Hicks，有機智冷靜嘅Bishop，而陸戰隊中伏，女主角從來無講you men乜乜物物，直接渣車衝入去救人。遇到小妹妹，佢有展露母性嘅一面，亦都會撚貓。仲有就係，驚奇隊長入面，女人係完全唔會做壞事，但係異形2嘅 boss係 Alien Queen而不是Alien King 相比下，驚奇隊長係無感情線嘅，雖然佢應該係les，但票房考慮應該有排都唔出得櫃。佢亦都唔可以太女性化，去到Endgame直頭剪短頭髮，言行舉止其實同terminator無乜分別，都係無性別，純粹係一舊會行會飛會講野嘅人形能量團如果你問我，順眼嘅LBGTQ會係點，我覺得StarTrek Discovery算係幾自然，有les攬攬錫錫，有同志感情戲話掛住老公，無刻意賣弄或者避忌。反而Netflix果套Old Guard，俾太多時間兩個男人唸情詩攬攬錫錫，跟佢地狠辣不死人身份唔match，件事就over左 (換成一男一女，under gun point 講你是我的月亮星辰都cringe架)是但埋尾：新式女權電影，其實係會激化性別對立，男嘅睇完不滿，女嘅睇完更睇唔起男人，但係唔會對女性有太多益處，因為電影中心係「去男性化」「反父權」，而唔係「一個強大嘅女角可掃低成村異形返屋企撚貓」，咁d觀眾就會覺得打到父權就是強，忽略身後成村異形了
-------------------------------------------------支持《多聞》眾籌計劃，我們目標是集資12萬加元，這筆錢遠不夠在報紙買頭版，但可支持《多聞》抗共2年！
Bank interact 課金給《多聞》：tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews
Share this article to:
