蘋果記者專訪：文字獄時代已臨

2019年反送中運動，支援義士的主力「星火」被政府勒令匯豐銀行凍結資金。無獨有偶，蘋果日報在今年6月也是被政府勒令匯豐銀行凍結資金。這兩件事發生後，都有不少香港人將資金撤離，因為大家都看在眼裡，錢放在銀行不安全。蘋果日報因為言論被迫結業，也標誌著在香港做生意，要看中國臉色，而不是跟國際規矩。

對於蘋果結業，他表示早有心理準備。他說：「其實蘋果會被搞或者被搞緊係有目共睹嘅事，所以政府再有行動之前有唔少同事都已經有心理準備，之前亦都有風聲話會喺7.1前取締。」故此有部份包括中層管理人員在內的同事曾向高層反映，要求有方案令同事自願離職，或者先取回部份長期服務金等等，但高層當時認為無必要，最後亦無做到。

對於不少身在海外的香港人，或者外國人來說，蘋果日報結業可能很意外，不過業界早有心理準備。因為早前香港電台空降高層，取消所有節目，並將放在僅餘的播放平台youtube的影片下架。中共砍在傳媒機構的第一刀，並不是蘋果。

立場照顧員工

談起安頓員工措施，他欣賞立場做法，認為對員工照顧周到：「立場部份措施（自我審查）應該喺蘋果真係摺之前已經做左，必須要講我幾欣賞佢地考慮周到。852郵報同Winandmac Media都在幾日內分別公佈相應措施，可見蘋果是香港新聞自由的重要風向標，再者港台又已經揸頸就命，其他媒體亦肯定會好顧忌。」

問及去向，該前蘋果記者表示開始認真搵工，除了本行外，也會試其他行業。他表示，想留低在傳媒行業也殊不容易。大量記者一次過失業，想返回同行極為困難，也以知道部分同事不會再做記者。至於香港言論自由急速收窄，會否令他萌生離港念頭？他表示，本來都一直計劃未來會到外國讀書。

政府早有名單

早日前蘋果日報主筆馮偉光被捕，不少傳媒朋友立即「有得震無得瞓」。他認為，馮偉光這級數的人都被捕好明顯代表以言入罪的時代已到，再者警方一直未拘捕他，直到他準備出境才動手，明顯見到有張名單在香港政府手上，至於張名單有幾闊，實在難以去猜度。「要搞你你唔去機場都會搞你。」

會否害怕出境？他說：「如果有得去旅行我第一個衝添啊，唔知幾想去玩。」談到目的地，「梗係去家鄉日本…去到的話，不過要打針就不了。」

他指出，香港根本不是近兩年才變成這樣，而是一早已是這樣，只是大多數人並無察覺。「我而家覺得你以為熟悉嘅香港本來就唔存在，果個法治有險可守同有新聞自由嘅幻象只係大家理所當然以為佢存在。如果真係存在，楊潤雄就唔會可以令三權分立由有變冇，官員用語言就可以扭曲嘅嘢應該係因為本身就冇存在過喺一個穩固嘅體制之中，換句話講姐係人治，套法律只係工具黎，所以突然話記者查冊犯法就可以改成係犯法，蔡玉玲要罰錢但大公記者就另一個判法，呢啲嘢如果香港一直有真正嘅法治係唔會兩年之間就變成咁。」

「我諗思想同文字係無罪呢點，過往嘅香港一直都算保持到，even以前泛民燒下中國旗果啲罰則都唔係話好重。呢兩年最大分別就係好多人思考會有顧忌，出現文革式舉報。」

最後，他勸告身在加拿大的各位香港人：「珍惜可以無顧慮思考同講嘢嘅空間，用盡個空間唔好浪費。」

-------------------------------------------------
支持《多聞》眾籌計劃，我們目標是集資12萬加元，這筆錢遠不夠在報紙買頭版，但可支持《多聞》抗共2年！
Bank interact 課金給《多聞》：tohk928@gmail.com
Subscribe us in:
Telegram Channel:
https://t.me/tohknews
Facebook:
https://www.facebook.com/多聞-117598966317804
Twitter:
https://twitter.com/TOHKNEWS
Reddit:
https://www.reddit.com/user/TOHKnews

Share this article to: