臭魚的滋味

裏面啲魚真係好腥好臭,我喺唔同嘅地方都聽到人叫佢做閪魚。佢要用好多鹽醃同炸到勁乾去掩飾腥臭,應該好唔新鮮有時醃到似鹹魚,鹹到唔想食,但炸到卜卜脆嘅時候就易入口。裏面啲人最想食出面嘅嘢係炸雞,呢樣已經係最似嘅嘢不過最難頂係超多骨,我用一半食飯時間去拆骨都食到成口骨。最慘係有時佢會斬件,更加難拆骨,我成日會整走多骨嗰半條。(其實本身都不足一條,所以得返半條魚都冇)有時食池魚會好啲,但我應該以後都唔食秋刀魚。臨走之前我已經唔食乜滯,淨係食炸脆咗嘅魚尾。 之前我做過史無前例嘅嘢,就係寫食評,不過處方冇俾我寄出。可能寫食物已經好敏感,我仲要寫裏面好多米奇。我之前寫食評都寫咗十版紙,真係痴線,因為戇鳩嘢數唔盡!有機會同大家講吓米奇(衛生)同更多戇鳩食評。 (作者為政治犯、魚蛋義士)

Read more