卡城大少:大麻係毒品定係藥品?

大麻喺人類社會存在已經幾千年,而且對人類喺生活上貢獻良多,但係就畀啲狗唔搭八政客以政治手段封殺,更憑一個濕狗學棍錯誤百出嘅研究,就將大麻label為毒品。因為大麻被禁而得益嘅大企業,除咗藥廠,仲有美國本土司法機構,同埋監獄生意人。 有冇人知道美國當年立國嗰陣,用嚟寫憲法嘅紙張就係大麻制嘅紙? 人類未有橡膠或石油副產品嗰陣,即係19世紀前,人類兩千年來嘅航海歷史成就,都係靠大麻做嘅繩? 麻仍然係目前時裝界其中一種賣到好價錢嘅高級布料…. 點解過去50年,冇大藥廠畀錢大學做大麻方面嘅醫藥研究? 有幾多睇過正式醫學研究報告,證明大麻對人體嘅傷害如何如何?服用乜嘢份量會衰過打一針科興? 事實上根據U.S. Drug Enforcement Administration嘅記錄,從來未有人因為OD大麻而死亡! 吸食大麻喺北美洲,一直非常普遍,尤其是低下層人士,墨西哥人(加州本來係墨西哥領土,後尾打輸仗畀美國納咗),原著民都有吸食或者當係藥噉樣用。直至70年代尼克遜條契弟見到當時好多中產白人家庭嘅年輕人都開始吸食,覺得高級白人唔應該同有色人種一齊high,所以就話佢係毒品禁九咗大麻!😡 好多人執人口水尾,話吸食大麻會引致腦細胞大量死亡,甚至有人叻到自行升級到話會引致神經錯亂?(噏嗰個真係要驗吓個腦)😁 吸大麻會死腦細胞呢個myth原來就係個九流學棍,先有agenda想證明大麻有害去擦尼克遜鞋。佢搵咗十幾隻馬騮日日畀大麻煙佢哋吸,幾個月之後班馬騮乜事都冇,仲生猛過藍屍打咗科興。佢班底裡面有條蠶蟲師爺話佢個實驗啲馬騮吸嘅大麻份量唔夠,所以冇事。之後佢哋就改為每日用“豬嘴”逐隻馬騮迫佢哋吸15分鐘大麻煙,一個月之後啲馬騮開始死亡。去解剖搵死因,發現啲馬騮腦細胞大量死亡,所以就公布“吸大麻會整死腦細胞”呢個戇鳩結論。最搞笑係整整30幾年,全世界竟然冇科學家質疑呢個戇鳩實驗及結論!(每日有15分鐘吸唔到氧氣,腦細胞梗係會死啦,白痴!日日噉玩,一個月先至死,啲馬騮生命力都好強!)😅😅😅 除咗藥廠怕咗大麻呢啲又粗生又易種嘅植物可以代替佢哋多種有專利嘅止痛藥,各款天價神經系統疾病藥物;喺美國做監獄生意嘅商人,司法系統及相關人士都非支持禁大麻。點解?睇睇附圖,全世界所有國家之中,監獄囚犯與人口比例(per capita)最高嘅係美國!喺美國全面禁止大麻嗰陣,每10萬人就有700幾個監犯,對比社會狀態最接近美國嘅G7各國,比例最高嘅西班牙只係120幾,日本更加係低至39人。唔通美國真係通街都係賊?事實係喺美國監獄服刑嘅犯人,有七成都係犯咗同大麻有關嘅罪案!若果唔計呢班人,美國嘅監躉數目即刻跌到200人左右! 噉樣監躉數目大,有乜人有著數?有幾多人知道美國各州監獄都係外判經營?做監獄就好似做酒店噉樣,不過客仔就係州政府交畀你。投資者出錢起合規格嘅監獄,每個入住客仔每日三餐+茶點,連同其他使費,逐個人頭每日計錢,條數非常和味。你而家玩大麻合法化,即係叫嗰啲監獄拍烏蠅?啲監獄改做Four Seasons定係做炮房?😁 美國每年花費喺Anti narcotics嘅錢係天文數字,但係若果大麻唔犯法,其中司法,執法系統好多人都即刻motorola。你想佢哋贊成大麻合法化? 加拿大好多人屋企都有種大麻,三幾盆噉樣,係自己食或者開P嗰陣用。Victoria好多退休人士都係靠賣吓自家種大麻幫補生活費。加拿大卑詩省有啲品種仲係名牌,以前本省$40-60美金一磅嘅貨,去到美國紐約可以賣到$6,000蚊!噉大嘅差價,大家就明點解咁多人會搏。🙄

Read more

武肺測試準確度

最近個個都講武肺病毒 #COVID19 測試,但係就好少人提到測試方法及準確度。雖然我唔係基因科學家,不過因為工作關係知道少少呢方面嘅資料,就畀我扮吓代表同大家分享! 病毒測試準確度要考慮以下三個條件:1. 測試方法及所需時間2. 病毒樣本採集份量及方法3. 病毒變種檢測能力 測試方法及所需時間:病毒測試方法主要有三種,就係Molecular(份子結構),Antigen(抗原),Antibody(抗體)。大陸經常提到嘅“核酸”檢測都屬於Molecular,準確度最高,極少需要覆驗;因為需要有檢驗DNA能力嘅化驗所做,所以需時最長,視乎測試方法(NAAT, PCR, LAMP…),要1-7日先有結果。Antigen檢驗需時最短,一個小時之內就有結果;顯示陽性就係九成九中標,不過陰性結果好多時都係揸流攤,要再用Molecular方法覆驗。Antibody方法,驗你身體有冇抗體,即係去確定你真係已經舐咗嘢,需要覆驗情況都比較少。 呢期城中大熱嘅社區治療設施 (某国叫生瘡醫院),嚴格嚟講應該叫臨時病毒測試設施。以現時特衰垃圾跟尾狗政府嘅管治能力去估計,呢啲設施提供嘅應該Antigen測試。但係呢款測試嘅陰性結果好流,唔再用Molecular覆驗,就噉樣放人走,其實驗嚟多餘!🧐若果呈陰性都要再驗,即係要留院若干日等結果;但係呢間設施又冇隔離病房….萬一有人覆驗先確認中標,其他冇事但同倉嘅人又會唔會呢段期間受感染呢? Antibody就唔講啦,因為當事人多數已經入咗廠,循例確認一吓而已😂 病毒樣本採集份量及方法:Molecular同Antigen都係用棉棒收集鼻喉黏液 (Molecular就口水都得)。問題就係檢測人員攞到指定份量嘅黏液樣本,唔代表每個樣本裡面病毒數量 (以copy做單位) 都一樣,因為五個鐘頭前同五日前感染,體內病毒數量會有好大分別。而且樣本內病毒數量係對檢驗結果係有好大影響;例如Trump爺之前大讚某大A字頭藥廠嘅測試劑,竟然需要4800 copies先有90%準確率,而FDA最新批准一隻測試劑就可以做到100 copies 100%準確率!(P.S. 做完病毒測試嘅黏液樣本能否再做人體基因器官配對,我就唔知;要專家回應) 病毒變種檢測能力:其實病毒變種呢個先係科學家目前面對嘅真正難題。據我所知好多測試劑,尤其是某国早期生產嗰啲,只可以處理三幾款變種病毒。呢啲咁流嘅測試劑,驗到冇事你都唔知信唔信好。順便曬吓命,我自己最近有份參與嘅一個產品測試,可以喺284個不同嘅變種武肺病毒裡面

Read more

卡城大少:我認識嘅加拿大(四)

加拿大衣食住行之第三部份「住」 加拿大係全球面積第二大國家,有998萬平方公里,但係人口只有3千6百萬;當年東莞全盛時期嘅外省勞工數目都隨時多過我哋成個國家嘅人口!加拿大東岸有大西洋,西岸太平洋,北面就係北冰洋,海岸線達到24萬公里,有10個省4個特區 (特區嘅意思即係特別少人,特別凍嘅區域噉解)。講咁多廢話其實係想曬吓命,話你知加拿大真係好大好大;加拿大人嘅居住環境空間真係正到可以恨死好多香港人!提一提大家,加拿大係有銷售稅,10個省除咗Alberta,個個省都另外再有省銷售稅!即係你喺加拿大大部份地方嘅消費,除咗聯邦政府收嘅5%GST之外,另外9個省都會另外再收5-9%省銷售稅PST (或者總共13-15%合拼銷售稅HST) 先講城市,加拿大首都係渥太華(Ottawa)。至於香港人嘅最熟悉嘅就梗係多倫多(Toronto),溫哥華(Vancouver)。另外法語地區城市區滿地可(Montreal) 與及近20年開始出名嘅隱形富豪城市卡加利(Calgary),與及愛民頓(Edmonton) 都好多香港人。溫哥華,卡加利更加係多次入選全球10大最宜居城市。 溫哥華係全加拿大平均氣溫最暖嘅城市,未必年年落雪,不過夏天雨水特別多,好多喜歡陽光嘅人就未必鍾意。溫哥華應該係北美洲 (甚至全球) 數一數二嘅美食之都,無論中菜,日本菜,西餐選擇極多;好多飲食界名店例如$6億身價超高級中菜館Hakkasan都喺Richmond插旗。經常聽到加拿大人講大溫地區,低陸平原,其實就係指溫哥華市與及其附近一帶城市,包括二埠(New Westminster),本拿比(Burnaby),北溫(North Vancouver),高貴林(Coquitlam),列治文(Richmond),素里(Surrey),三角洲(Delta) 等等。80/90年代,溫哥華係香港移民首選;天氣當然係主要原因啦,不過比起多倫多,香港過去係飛少四五個鐘,對嗰班做生意成日要飛嚟飛去嘅太空人嚟講,係好大分別。可惜近15年溫哥華已經漸漸畀強國人攻陷,尤其是Richmond,基本上係冬瓜天下! 至於東岸安大略省嘅多倫多,加埋附近一大堆城市,就係全加拿大人口最稠密嘅地區,亦都係加拿大嘅經濟金融中心。不過治安就好似麻麻,都有聽到新聞報導幫派之間因為爭奪毒品地盤而在街頭開鎗駁火!由於我未曾在東岸生活過,呢部份希望等當地朋友幫手補充。 至於Calgary,好多人一聽到第一反應係好X凍😂。其實Calgary係全加拿大有最多陽光日子/時間嘅城市;就算喺係冬天零下20°C,戶外係陽光普照一片藍天,冇咗嗰種冷冰冰嘅感覺。氣溫雖然低,但係畀溫暖陽光曬住條命嗰種感覺真係超正!仲有一個冇乜人知嘅秘密,就係地理位置原因;Calgary冬天經常有南面美國Montana州吹過嚟暖流 (Chinook),對抗冷空氣令到氣溫回升,冇嗰種寒風刺骨嘅感覺。Calgary最唔好就係除咗屋價比溫哥華,多倫多平之外,乜春都貴過人! 特別提醒:加拿大所有建築物都有中央暖氣,話之佢出面有幾凍,你若果唔係需要在街外停留超過20分鐘,基本上係冇乜大問題。 講到居住,有一點非常重要,我要先講一講。由於北美洲地理環境原因,大部份地區嘅風都係由西吹向東,所以大部份城市形成初期,都係揀喺城市東邊做工業區,西邊就係住宅區;噉樣工廠區產生嘅廢氣就唔會吹返去住宅區。呢種習慣日積月累就變成工廠老板或者收入好啲嘅中產都住喺屋價地價較高城市西邊;工廠工人,普通眾動階層就聚居東邊。由於加拿大過去50年都係靠移民入嚟去維持人口增長 (冇錯,60年代尾已經有研究指出若果加拿大唔收新移民,唔駛100年時間加拿大就會變成一個冇國民嘅國家),東西兩岸幾個受移民歡迎嘅城市都發展得好快,地界不斷伸展。若果要買新屋,喺新區就一定多選擇;不過公共交通配套就一定有排先會完善,所以唔識揸車或者養唔起車嘅,就要睇睇往來工作地點嘅交通安排。至於交通方便嘅舊區,新起嘅房屋就一定係拆咗舊嘅嚟重建;而且多數會增加密度去補返數。例如溫哥華地區有發展商用10年時間收購一個路段4-6個相連地;原來每個lot係一間獨立屋,收購之後拆晒就好少起返4-6間獨立屋。佢哋會向市政府申請修改zoning由獨立房屋變成多戶房屋,兼且增加地積比 (FAR:

Read more

卡城大少:我認識嘅加拿大(三)

加拿大衣食住行之第二部份「食」(食物安全補充篇) 加拿大對食物安全嘅要求可以話係全球數一數二最惡作嘅國家!由於加拿大係三級政府,所以省政府及市政府都會依據權限負責管理及執行部份食品衛生條例。 堂食法定機洗大餅 加拿大做餐飲業成本比好多國家都高,例如有堂食嘅,唔准人手洗大餅,一要定用有電子控制水溫及清潔劑,消毒劑份量嘅洗碗碟機。廚房要有六個砧板:菜肉魚,生熟各一;廚房內一定要配有水龍頭,抺手紙及洗手液嘅洗手盤;-18°C嘅冰櫃,4°C或以下嘅冷櫃;冰櫃冷櫃內食物儲存擺放都有規矩,例如肉類上層唔可以放蔬菜,奶類食品要有獨立位置等等。煮食爐頭每半年要搵專業清潔公司清洗,要有獨立廁所畀廚房員工使用等等… 總之一間餐館新開檔,消防及衛生局隨時要嚟睇三四次先可以做足晒所有要求。 一般市內餐飲食肆就由市衛生局官員不定期突擊巡查,一見到違規情況就會抄牌,如果問題嚴重,可以即時停牌兼罰款,罰款係冇幾皮嘢唔駛落樓!好多人唔知,加拿大嘅食肆係可以冇食物冇飲品供應,都可以開門做生意;但係畀客人用嘅洗手間若果冇廁紙或者抺手紙,衛生官係可以要你即時關門唔准做生意!🤐 有人可能會問,噉樣我喺屋企包雲吞賣畀人得唔得呀?呢個世界冇話得唔得嘅,你唔申請個牌做食物加工,唔出事又冇人篤你背脊嘅,都係等運到而已!我哋呢度就係有個強国人喺屋企包雲吞餃子賣畀人,仲狼到賣埋去餐館(可能係價錢平啩)。不過最後點解會斷正?就係生意做得大,日日都有大量肉類包裝箱掟出門口等垃圾車嚟收,畀人打電話去311投訴,就即刻Bingo😅😅。呢單嘢若果罰佢幾萬算好彩,萬一衛生局要condemn佢間屋就大檸樂,隨時要另外洗幾萬銀去復修間屋!👋👋👋 牌照多多規矩嚴格 加拿大所有處理食物嘅工場或設施,無論係牟利或非牟利,若果成品或半制成品要運離本省去其他省份再加工或者銷售,就要向CFIA申請一個聯邦牌。若果你係做運輸嘅,運送食物跨省界,都要有CFIA嘅牌!CFIA係乜?CFIA係加拿大一個聯邦政府級機構,全名係Canadian Food Inspection Agency, 我哋可以譯做「加拿大食物檢測局」。佢有各種發牌釘牌權力,而且佢哋嘅官員,會好似周鬆弛套食神裡面少林寺方丈如夢大師噉樣,隨時攝出嚟!所有攞咗CFIA聯邦牌嘅食物處理設施,最近正門入口第一個停車位,必定要劃死畀CFIA;等佢哋哋官員隨時殺到,第一時間就停車入去突擊檢查! 有CFIA聯邦牌有乜好?就係你嘅產品可以賣去全加拿大任何地區!出口呢?出口就要另外逐個出口目的地申請牌照,例如一個屠宰場有聯邦牌劏豬劏牛並且可以出口牛肉去美國;現在想出口牛肉去法國,應該點搞?CFIA收到申請,就會根據你原來已經有嘅牌照條件,再睇你想新增出口目的地國家嘅入口牛肉衛生要求有冇差別。如果冇就簡單,有就要搞清楚你個場嘅設備是否符合對方要求。例如出口美國嘅牛肉,容許有荷爾蒙(激素),但係歐盟成員法國就唔得。CFIA就要你哋個場每次劏牛畀法國之前,要識得清洗亁淨成個場,保證呢批去法國嘅貨唔會有殘餘荷爾蒙污染。因為萬一出事,唔單止你呢批貨會全部銷毀,更有可能暫時全面禁止加拿大牛肉入歐盟! 世界各地每日都有海鮮空運入嚟加拿大各個國際機場,其中抽驗重金屬幾乎係指定動作。尤其是Ahi Tuna(Yellow Fin),真係次次都要驗咁滯!若果係鮮活海產入口就更加嚴格,入口商當然要有CFIA牌啦,更要有處理鮮活海產能力及設備,以免萬一有人唔生性,買隻龜嚟攞去我哋啲湖度玩放生,引發生態環境大災難就humgar咯! 據我所知,蔬果入口都有各種檢測要求,以保證唔會有害蟲跟啲蔬果入境,影響加拿大本身生態環境。大家可能仲記得廿年前亞洲先有嘅長角甲蟲,就係跟強国貨物嘅貨櫃卡板“移民”嚟咗加拿大,跟住落地生根,大量繁殖之後,蛀食我哋BC省大量杉樹,損失幾十億加幣!😡😡 唔駛出蝗蟲,出長角甲蟲已經玩謝我哋加拿大啦!😭

Read more

卡城大少:我認識嘅加拿大(二)

好多人都唔知加拿大其實係全球五大糧食出口國之一,由於亞省(Alberta),沙省(Saskatchewan) 都有土地位處全球兩個黑土帶其中一個,所以土地特別肥沃。呢個黑土帶地區出產出嘅小麥,質量頂呱呱,連義大利佬都買嚟做佢哋嘅pasta;香港好多要求高嘅點心師傅,都會指定用亞省嘅麵粉做叉燒包。亞省南部Taber鎮出產嘅粟米,食過你就知道乜嘢叫極品。 亞省牛肉世界馳名 另外亞省牛肉(Alberta Beef)亦係世界有名,除咗加拿大牛肉評級要求標準比美國牛嚴格之外,亞省牛一定要在亞省飼養並要喂飼最少120日亞省出產嘅五穀(黑土帶出產嘅穀物),先至可以叫做亞省牛!至於長毛牛Bison (又叫水牛),味道正到痺,但係產量極少而且貴,我自己真係唔捨得食🥺😬。加拿大亦有大量豬肉出產,30-40年前已經有出口返香港畀餐飲業,不過近年就畀強国公司入嚟狂掃。 至於啄地,加拿大本地人都係喜歡白肉(即係雞胸肉),而且多數都係籠養30-45日嘅雞種,肉質比較梅,香港人絕對唔喜歡。好彩20幾年前卑詩省(British Columbia),已經有人引入台灣走地雞嚟養,價錢雖然比本地“監躉雞”貴30%,不過仍然非常受亞洲食客歡迎。東岸魁北克省(Quebec) Brome Lake出嘅鴨就係北美名牌,廣東燒臘師傅至愛!鴨種原來係百幾年前嚟起鐵路啲廣東人帶過嚟加拿大嘅! 卑詩帶子金牌之選 加拿大東西兩岸有大西洋,太平洋,又擁有全球最多湖泊面積;所以海鮮,河鮮基本上係多到不得了。東西兩岸出名嘅生蠔品種起碼30隻,BC嘅甜蝦,象拔蚌,東岸嘅龍蝦,北極貝,海參,紅海膽,綠海膽。另外加拿大比較多嘅Dungeness蟹,雪蟹(近似北海道松葉蟹);可惜亞拉斯加皇帝蟹已經畀人食到接近絕種,美加政府嚴格限制採捕數量,好難食到。(亞洲地區呢10幾年食到嘅,多數都係俄羅斯水域出品,顏色帶啡)。順便提一提BC省Qualicum Beach出嘅帶子(scallop),曾經攞過American Masters of Taste 嘅 Superior Gold Medal”(超級金牌),捨得食嘅,一定要試!

Read more

取消香港特殊地位唔關你事?

作者:卡城大少 有條茂利寸我:老侵即時凍香港關係法,要香港 is China,有乜影響?香港特衰護照去美國一直都要簽證㗎啦;而且我有BNO,我去攞簽證嗰陣佢哋點知我係支持腳安法,支持勁慌呀?而家港紙咪又係可以換到美金… 一聽條友噉樣問,就知條應該未攞過美國簽證,或者好耐之前攞過。 申請簽證跟強國隊 第一,老侵嘅E.O.係將香港特衰護照有強国護照同等地位,即係香港冇咗獨立配額!第二時去申請簽證,就隨時可以見識到廣州上海美國領事館萬一空巷排隊等去見領事嘅場面。去美國讀書嘅,每年學生簽證續期,都會當你係強国學生噉樣睇,再決定續唔續。🙊 第二,現時申請美國簽證,話之你揸住乜O,(就算係大英帝國護照都係要申請ESTA電子簽證呀!)你係要交出你所有社交媒體,包括飛屎卜,IG呀;V7,微搏帳號名稱;黃或藍,反美親中,一目了然。當然,你可以扮嘢話冇呢啲嘢嘅,搏佢哋查唔到囉😈 撳機拿外幣唔容易 第三點最大鑊,冇咗香港關係法,港幣地位會點?以後香港人出門公幹或者旅行,可能要帶晒外幣現金喇!幾個主要國際信用卡機構嘅交易中心,例如Amex, VISA, MASTER全部都係美國佬嘅,隨時可以停止某啲銀行發嘅信用卡嘅海外交易權限,即係上Amazon買嘢都唔得呀!(唔驚,你哋有逃寶…)! 有人又可能懶醒:日本台灣我都可以用ATM機提款攞現金,怕乜?唔該你睇睇你張銀行卡/信用卡後面有冇“PLUS”或者“Cirrus”呢兩個Logo?外國銀行ATM要透過呢兩個外國勢力網絡先知你個香港戶口有冇錢;如果停埋就得返你哋萎大祖腳嘅銀聯喇,不過全球有幾多ATM機支持,或者仲夠膽做你生意,就真係艾冬撈啦! 支持《多聞》眾籌計劃,我們目標是集資12萬加元,這筆錢遠不夠在報紙買頭版,但可支持《多聞》抗共2年!paypal課金給《多聞》:paypal.me/tohknewsBank interact 課金給《多聞》:tohk928@gmail.com

Read more

卡城大少:我認識嘅加拿大(一)

作者:卡城大少(本專欄逢週四刊出) 有網友畀人寸,話加拿大冇乜發展,再睇到好多留言,發覺好多香港人對加拿大嘅認識都係吉光片羽。就等我個Make in HK嘅加拿大佬講吓加拿大啦(如有錯漏,敬請包涵)😊 我會從以下次序講起,因為涉及大量資訊,所以要分開好多集嚟講。 1. 衣,食,住,行四大瓣2. 經濟狀況/工作機會/創業環境3. 教育與醫療4. 生活需知:政制,天氣,環境5. 稅務與退休6. 未諗到 1. 加拿大衣食住行之衣 加拿大生活比較樸實,好少人著到成身名牌招搖過市。間中都會見到有人孭個歐洲名牌手袋,不過多數係亞洲人;如果著到成身都係名牌,或者肚腩個皮帶扣成部iPad咁大,唔駛問9成9都係係強国人。喺溫哥華同埋多倫多就可能比較多呢啲人肉名牌拖拉機出現,其他城市就好少撞到。 好多香港人都喜歡買一兩隻勞嚟保值(其實係幫人哋公司保值),但係嚟到加拿大,你啲名錶就會變咗保險箱嘅收藏品。因為無論你戴隻10蚊嘅玩具錶,或者100萬嘅鑽石錶,一般人都唔識分,你嘅本地人同事或朋友,都會用同一語氣讚你隻錶好靚🤣!所以平時你怕整花隻靚而唔捨得戴,放喺屋企又驚畀人爆格,唯有放入保險箱。(注意:華人聚居嘅地方,銀行保險箱多數冇位,要等有人死先放到一個半個出嚟)。 你哋唔好誤會加拿大人都係爛身爛世喎,因為好多在香港嘅所謂嘅高價名牌,喺我哋呢邊係好平,普通人都可以負擔。例如一條Levi’s牛仔褲,都$30-50加幣一條,減價隨時去到$20-25,CK, Michael Kors嘅恤衫$60-80,減價都係$20-30,Coach女裝手袋$300-400,減價就$200或以下…. 人人都知道加拿大個冬天唔係講笑,所以最好有一件好頂到暖嘅冬天外套就夠晒。至於什麼天蠶衣,羊毛底環之類打底衫真係唔好買定。點解?因為喺加拿大嘅冬天,除咗滑雪,冇人會喺戶外逗留超過10分鐘(除非畀老婆趕出街😅)。加拿大所有建築物,室內必定有中央暖氣系統,大部份商場都係室內;就算係行Street

Read more